الدليل الموجز لكتابة تقرير/خبر عن دراسة علمية – الجزء الثاني

عشان تكتب تقرير/خبر صحفي علمي فيه خطوات لازم تعملها. في الجزء الأول اتكلمنا عن استخدام البيان الصحفي وقراءة الدراسة العلمية ودول أول خطوتين.. النهارده هنكمل باقي الخطوات في الجزء الثاني والأخير.

ا3- التحدث مع مؤلفي الدراسةوده بيكون من خلال مقابلة شخصية، محادثة هاتفية، من خلال الإيميل، أو من خلال مواقع التواصل الاجتماعي، على حسب أي منهم متاح وأسرع في التواصل، وكمان أسهل للباحث في الرد على أسئلتك، اللي لازم تكون محضرها كويس مسبقًا، واللي ممكن يكون فيها أنك بتطلب من الباحث توضيح بعض النقاط اللي تعذر عليك فهمها، أوتوضيح بعض الأرقام والبيانات التي قد يختلط عليك الأمر في فهمها.

كمان في بعض الأسئلة العامة اللي ممكن تساعدك في الحوار مع الباحث:- ما الذي أضافته تلك الدراسة للدراسات السابقة في الموضوع المذكور؟- ما حجم هذه الدراسة؟ وما حجم العينة التي تمت عليها الدراسة؟- هل النتائج التي أوضحتها الدراسة قابلة للتطبيق على نطاق واسع؟- ما هو التأثير تطبيق تلك النتائج في الحقيقة؟ عندما يقوم الباحث بالرد على أسئلتك، الآن يمكنك الانتقال إلى المرحلة الرابعة.

ا4- التحدث مع خبير في المجالوالخبير هو باحث في نفس موضوع الدراسة ولكنه غير مشارك بها. وده بيكون من خلال مقابلة شخصية، محادثة هاتفية، من خلال الإيميل، أو من خلال مواقع التواصل الاجتماعي، على حسب أي منهم متاح وأسرع في التواصل وأسهل للخبير في الرد على أسئلتك. بعد الانتهاء من المراحل الثلاث الأولى لديك الآن فكرة جيدة عن الدراسة وموضوعها وقد يكون لك بعض الأسئلة النقدية، واللي ممكن تخطر ببال القراء.

كمان ممكن تتأكد منه من جدوى نتائج الدراسة وإذا كانت العينة اللي تمت عليها الدراسة كافية ولا لأ لإثبات نتائجهاـ إلى آخره من أسئلة لتفنيدها أو إيضاحها. في بعض الأحيان بيكون من الأفضل أنك تتكلم مع كذا خبير عشان تكون الفكرة أوضح والمعلومات أكثر تأكيدًا، وده بترجع فيه للمحرر اللي بتشتغل معاه على القصة.وهنا بتبدأ كتابة موضوعك وأنت كاتب نقاط عشان ترتب هيكل المقال بتاعك وتبعته للتحرير قبل النشر..

ولهيكل المقال تدوينة أخرى.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s