الدليل الموجز لكتابة تفرير/خبر عن دراسة علمية – الجزء الأول

اتكلمنا في البوست السابق عن” 7 طرق تلاقي بيهم خبر علمي لتغطيتك الصحفية” وعرضنا أمثلة كثيرة لأماكن ممكن تلاقي فيها دراسات علمية حديثة منشورة ممكن تغطيها للمنصة التي تعمل لها.

لما بدأت العمل بالصحافة العلمية من أكثر الصعوبات اللي قابلتني كانت؛ إيه الأسئلة اللي المفروض أرسلها لمؤلف الدراسة عشان أفهم أكثر عن الدراسة موضوع التغطية، وإيه المفروض أني أدور عليه في الدراسة لتغطيتها. عملتلكم الدليل الموجز لكتابة تقرير أو خبر  علمي وهينزل هنا على جزئين، هاشرح فيه إزاي ممكن تتعامل مع الدراسات لتغطيتها في تقرير أو خبر، وهأحاول أعمل ده في نقاط عشان ما أطولش عليكم..

الجزء الأول.

البيان الصحفي

معظم الدراسات الجيدة عند نشرها بيقوم مكتب العلاقات الإعلامية في الجامعة أو المؤسسة العلمية أو البحثية اللي اتعملت فيها الدراسة بكتاية بيان صحفي (Press Release) عن ألدراسة وأهميتها وأهم ماتوصلت إليه، وبيحطوا بعض التعليقات من مؤلفي الدراسة كمان. كصحفي علمي مش لازم تاخد الكلام اللي في البيان صحفي كحقيقة مسلم بيها  واتقله كخبر بلا تدقيق منك، لازم تقرأ وتسأل.. وده اللي بينقلنا للخطوة الثانية.

الدراسة

قراءة الدراسة البحثية، واللي بتتكون من كذا مقطع، ولازم نفهم لازمة كل جزء عشان تقدر توصل للمعلومة اللي بتدور عليها، وهم:

قراءة الدراسة البحثية، واللي بتتكون من كذا مقطع، ولازم نفهم لازمة كل جزء عشان تقدر توصل للمعلومة اللي بتدور عليها، وهم:

  • ملخص البحث (Abstract) وده بيشرح بإيجاز البحث عن إيه وتوصل لإيه.
  • المقدمة (Introduction) ودي بتحكي ما وراء فكرة البحث، ليه الباحثين فكروا في الدراسة دي، ولو في دراسات سابقة بيذكروها وبيذكروا هم وقفوا فين  بنتائج بحثهم.
  • الطريقة (Methodology) وهي الطريقة اللي استخدمها الباحثين لإجراء بحثهم والوصول للنتائج بتاعتهم.
  • النتائج (Results)  وده المكان اللي بيشرح فيه الباحثين النقاط اللي توصلولها بإستفاضة باستخدام أدوات توضيحية ورسوم بيانية.
  • المناقشة (Discussion) وده المكان اللي بيفسر فيه الباحثين النتائج اللي توصلوا لها في ضوء المعلومات اللي كانت معروفة بالفعل حول موضوع الدراسة، وده الجزء اللي تم طرحه في المقدمة. كمان بيشرح فهمنا الجديد للمشكلة محل البحث بعد أخذ نتائج الدراسة اللي توصل ليها الباحثين في الاعتبار.

قراءة الدراسة البحثية، واللي بتتكون من كذا مقطع، ولازم نفهم لازمة كل جزء عشان تقدر توصل للمعلومة اللي بتدور عليها، وهم:

بعد قراءة البيان الصحفي والدراسة، دايما يفضل أنك تقرأ دراسات أخرى ذات صلة بالموضوع عشان تقدر تقارن النتائج وتشوف إيه الجديد في الدراسة اللي بتغطيها وإيه اللي بيميزها عن غيرها. دلوقت عندك فكرة لابأس بها عن الموضوع اللي هتكتب عنه ومستعد للمرحلة الثالثة اللي هنتكلم عنها في الجزء الثاني.. تابعونا.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s